News

Yannick ta logra medaya

Brons den e Campeonato Sudamericano Juvenil

Yannick Roos ta logra medaya di Brons den e Campeonato Sudamericano Juvenil di Bowling 2018 na Santiago de Chile.

Den e siman aki ta tuma lugar na Santiago de Chile e Campeonato Sudamericano Juvenil di Bowling 2018. E Campeonato aki ta tuma lugar di 26 te cu dia 30 di juni. Tin un total di 9 pais cu ta participa y nan ta:
Argentina Aruba Brasil Chile Colombia Ecuador
Panama Peru y Uruguay. Ta wordo competi den e categorianan di sub 16 y sub 21 y ta organisa e siguiente evenemento nan: Singles femenino y masculino, Dobel famenino y masculino, Dobel mixto
Trios masculino y femenino, Team (4 persona) masculino y femenino. Y e culminacion ta bai ta e masters unda cu e 8 competidornan, cu a acumula mas punto individual durante e siman, ta enfrenta otro pa esablese kende ta e mihor. ARBAS a manda un solo atleta pa motibo di e schedule yen cu nan tin actualmente. E representante di Aruba ta Yannick Roos y su participacion den e campeonato aki ta forma parti di su preparacion pa e weganan CAC cu lo tuma lugar na juli proximo.

Den e prome evento di e campeonato aki, cu ta e singles, Yannick a logra e di tres lugrar den su categoria di sub 21. Esaki ta un logro tremendo si nos considera cu e pais grandinan den bowling tambe tabata tin un representacion substancial den e categoria aki. Yannick lo no participa den e otro eventonan, pero si e lo bai acumula su puntonan pa purba clasifica pa e masters cu ta bai clausura e siman di competencia aki. Nos ta desea Yannick hopi exito y lo keda tene e fanaticonan di bowling na haltura di su prestacion. Por sigui e campenota aki via internet www.bowlingchile.cl.

E portretnan ta mustra Yannick prome cu su competencia di diamars 26 di juni y e otro imagen ta e resultado final di e competencia sinlgles sub 21.

Pabien Yannick.

Tags

Related Articles

Close