News

Olimpio (Leo) Rodriguez (1933 – 2016)

Futbol

 

Leo Rodriguez na april 2016 na Aruba — Foto di J. Tromp

1. Olimpio (Leo) Rodriguez (1933 – 2016)

Olimpio Rodriguez miho conoci como Leo a forma parti di e seleccion di futbol di Antias Hulandes cu a participa na e Olimpiada di 1952 na Helsinki na Finlandia. Leo tabata te na momento cu a cuminsa skirbi e buki aki, e unico di e 7 Arubianonan selecciona p’e seleccion di futbol di Antias Hulandes cu ainda tabata na bida. Leo a sinti su mes honra di forma parti di e buki aki, manera el a conta durante di un di nos encuentronan. Lamentablemente Leo a fayece riba 22 di juli 2016.

Leo ta conta: “den mi hubentud mi a tende hopi di e olimpiada mundial. Ora cu mi a bira mas grandi mi a cuminsa practica deporte ymiabintagustadeporte.Pamiporabay Helsinki mi mester a sacrifica hopi cos den e bida di mi hubentud pero mi tabata tin un disciplina hopi grandi. Mi mester a dedica mi mes masha hopi na e wega di futbol pa mi por a yega caminda mi mester ta. Parti di mi training- y preparacionnan tabata tambe individual y persistente. Banda di esaki mi

tabata haci hopi ehercicio pa keda den un bon condicion.
Pa mi ta dificil pa pone den palabra loke mi a pasa den na e weganan olimpico: e tabata pa mi un experiencia cu mi a aprecia masha, algo cu ta fuera di bo mes. Canando den e stadion na e ceremonia di apertura mi tabata sinti mi mes como sifuera mi tabata den un otro mundo cu yen di colega rond di mi cu tambe tabata admira e escena den e stadion na e momento ey. Tabata algo inolvidabel. E weganan olimpico pa mi ta nifica algo hopi grandi. E ta e maximo cu bo por logra como amateur. Bo tin di haci hopi sacrificio, e ta costa y exigi hopi disciplina pa ta un deportista estelar.

E personanan cu a haci posibel pa mi por a participa na e weganan olimpico tabata mi mama, mi tata y e directiva di Sportvereniging Aruba Juniors (Aruba Jrs.). Mi pasion pa deporte a cuminsa for di tempo cu mi tabata mucha na scol. Semper mi tabata un lider den deporte na scol.”

Related Articles

Back to top button