Buenos Aires 2018News

Tenista Patrick Sydow a debuta den tremendo forma

Patrick a enfrenta Drew Baird di Merca

Tenista Patrick Sydow a debuta den tremendo forma den e Weganan Olimpico Hubenil Buenos Aires 2018.

Ora bo kier logra yega na un meta ta duro bo mester traha. E hoben Patrick Sydow a luci den su debut na Argentina unda e la demostra di ta un bon tenista cu hopi futuro. Apoya pa e delegacon di Aruba, Sydow a cuminsa na su Partido contra di Drew Baird di Merca.

Den su wega contra Drew Baird di Merca rank number 19 di mundo, Patrick a demostra cu nos por bataya contra e mihonan. Den e prome 4 weganan di e prome set cosnan tabata igual cu e mericano y na 2 – 1 atras, Patrick ta haci un error inesecario unda e ta perde e oportunidad di empata na dos y aki e mericano ta hiba e ventaha te na 4 – 1. Mester bisa cu Sydow no a give up a bini bon bek den e partido despues di tabata abou 4 – 1 y ta kibra e servicio di e mericano gana esun di su mes y yega na 4 – 3. Sinembargo na 4 – 3 riba su propio surf, Sydow a bringa bon y bay den ventaha na 40 – 0 pero no por a empata unda despues di casi 5 min di bataya e mericano ta bay na 5 – 3 y hiba e siguiente wega na 6 – 3 unda e ta gana e prome set.

Den e di dos set Patrick ta sali tremendo unda e ta gana e prome cuater weganan y bay na 4 – 0. E mericano Baird a desconcentra completo y tabata keha riba e tardansa di wega di parti Sydow. Despues di esey e mericano ta drenta bon bek y bay na 4 – 4. Aki Sydow a comete varios error inesecario cu a coste su weganan. E concentracion a bay un poco unda cu e hungador Baird a probecha bon y drenta bek den su wega. Na 5 – 5, Patrick ta gana su wega y bay den ventaha na 6 – 5, pero e mericano ta empata despues di un bon bataya na 6 – 6. Den e tie break Patrick ta lucha duro y ta gana e tie break 7 – 6(7/5). Un super bon wega di Sydow cu ta logra gana un set di e number 19 di mundo. Esaki sin duda a wordo aplaudi pa tur presente.

Den e ultimo set wega tabata basta pareu pero asina mes e mericano Baird tabata tin e rosea mas largo y ta gana 6 – 3 y 2 – 1 den set. Patrick Sydow a ricibi hopi elogio pa su wega di tur presente.E coach mericano a elogia e wega di Sydow na final.

Pabien Patrick Sydow cu bo prestacion den e Weganan Olympico Hubenil Buenos Aires 2018. Majan dialuna Patrick Sydow lo hunga e men’s double.

Related Articles

Back to top button