Lima2019News

Allyson ta hera final A den 50m Liber

0.07 seconde cortico Ally a keda di e final

Allyson Ponson ta hera Final A den 50m estilo liber pa 0.07 seconde y lo lidera e final B un bes mas awenochi.

Diabierna mainta tempran, Allyson Ponson a mira accion den e Centro Acuatico na e compleho deportivo La Videna na Lima, Peru. Ally a landa e 50m free cual ta e disciplina di landamento mas lihe den heat number 4 unda e la start den baan 6. Mester bisa cu e 50m free ta un landa explosivo cu tiki rosea y un solo remate te e recta final, pues hopi lihe mes.

Den e caredanan di 50m tur cos ta posibel, aunke e faboritonan aki sigur ta Merca, Canada y Brasil. Ally sigur ta conoci pa su bon 50m y aki un bes mas e landado elite di Aruba a duna un bon prestacion finalisando e serie na di 3 lugar cu un tempo registra di 25.90. Den e resultado overall Allyson ta keda na di 9 lugar mescos cu ayera net pafor di un lugar den e prome ochonan cu lo bay disputa pa e medaya.
Ayera den e 100m tambe Allyson a keda net cortico pa un final A cu 0.09 seconde. No obstante e resultado Allyson por ta contento cu su prestacion.

Exito awenochi na Allyson den e final B na e Weganan Panamericani LIMA 2019

Related Articles

Back to top button