Atletanan a disfruta di Buenos Aires

Despues di 1 siman di competencia, awe e atletanan a haja e oportunidad pa wak e diferente parke nan di deporte aki na Buenos Aires.
Mainta trempan e atletanan a sali for di e villa caminda pa e parke Urbano.
Na e parke e atletnan a haja e oportunidad pa wak y tambe participa na e diferente disciplinan di deporte. E disciplina mas gusta pa e atletanan tabata esun di Wall Climbing.

For di e Urban Park e atletanan a haja un tour chikito den Buenos Aires caminda nan a bishita e Casa Rosada y despues a sigi pa e monumento Obelisco riba plaza 9 de julio. Riba e plaza di Mayo e atletanan a haja oportunidad pa tuma algun foto dilanti di e renchinan Olimpico.