Aruba su bandera a cuminsa bula awe na Rosario
Awe mainta a tuma lugar oficialmente e ceremonia di bandera na Rosario.
Presidente di Odesur Camilio Perez Lopez Moreiro a cuminsa ta hiba algun palabra na e diferente paisnan presente pa despues e Lic. Gustavo Leone di Municipalida di Rosario a gradici tur presente y a bisa di ta contento cu Rosario por ta un lugar asina importante pa deporte.
Despues di e palabra nan aki, Aruba su himno a resona como e prome pais presente. Hefe di Mision Junior Dake a intercambia regalo cu e Lic. Gustavo Leone y asina e bandera di Aruba a cuminsa bula oficialmente aki na Rosario.
