Apesar di a purba tur strategia, ekipo femenino di Brazil di un otro nivel.
E ekipo di Beach Volleyball femenino di Aruba Kayla y Mali a clasifica pa e siguiente buelta den e Weganan Olimpico Hubenil na Buenos Aires, awe diasabra nan mester a topa e fuerte ekipo di Brazil cu tabata simplemente di un otro nivel di wega. E Brasileronan a studia e wega di Aruba y hunga unda nos muchanan tabata falta e forza. Den dos set Brazil ta gana Aruba cune score di 21 – 7 y 21 – 2.
Mester bisa cu e duo di Aruba apesar di tin masha tiki.tempo hunto a sa na clasifica den e Zona di Caribe pa yega Buenos Aires. Na Argentina, Kayla cu Mali a haci historia door di logra e prome victoria pa Aruba riba Rwanda Africa.
Manera a wordo bisa den diferente entrevista cu nos tin e talento, potencial y infrastructura pa e deporte di beach volleyball. Ta nos mes mester bay cuminsa na traha duro riba esaki.
Pabien Kayla y Mali
