Atleta di Natacion Chloë Farro Hunto cu su Coach Rumbo pa Francia
Awe diasabra, Aruba su atleta di natacion, Chloë Farro, hunto cu su coach Ismael Santiesteban, a sali rumbo pa Francia pa tuma parti den un trainings camp organisá pa Panam Sports. E campamento lo dura un siman, despues di cual Chloë lo uni na e delegacion Arubano na Paris pa e gran evento di Weganan Olimpico Paris 2024.
Na su salida awe na Aeropuerto Internacional Reina Beatrix, e famia di Chloë, Hefe di Mision, Kamilah Dammers, y Jonathan Wever, miembro di Direccion di Deporte di COA, tabata presente pa desea nan un bon biahe y hopi exito.
Nos ta desea hopi exito na Chloë y coach Santiesteban durante nan preparacion y wega.
