Diabierna mainta Comite Olimpico Arubano, representa pa su presidente Sr. Roy Mezas hunto cu Secretaria General Sra. Nicole Hoevertsz y Sr. Patrick Werleman a reunie cu Minister di Turismo, Salubridad Publico y Deporte Sr. Dangui Oduber y ehecutivonan di RADO y WADA.
World Anti Doping Agency(WADA) a ser representa pa Sra. Maria José Pesce Cutri, Regional Director WADA Latin America & Caribbean. Pa Regional Anti Doping Organisation(RADO) tabata presente Sra. Dr. Sasha Sutherland, Executive Director di Caribbean RADO y Sr. Dr. Adrian Lorde, presidente di Caribbean RADO.
E reunion a bai den un ambiente ameno unda a trata diferente topico entre nan e importancia di educacion na scolnan pa cu de tema anti-doping. Tambe a papia cu Minister Dangui Oduber riba e codico di WADA. A ser splica tambe cu e costo di e testnan ta halto, esaki ta door cu e laboratorionan ta cobra hopi placa pa ora di haci e diferente testnan.
A splica Minister Oduber di e fin di siman basta ocupa unda lo tin e Seminario Anti-Doping, TUI training y e Asamblea General di RADO.
