Barranquilla2018News

Competencia nan di bowling a termina na Cali

Tremendo presentacion pa TEAMARUBA Bowling na Cali

Y awe e competencia nan di bowling a termina na Cali, Colombia cu Aruba su atleta Thashaina Seraus logrando e medaya di brons den Masters.

Si nos wak bek na un siman di bowling cu a inicia siman pasa diahuebs, por mira un adelanto den e deporte aki. Riba e prome dia di competencia nos a sa di logra e medaya di oro cu e atleta Seraus. E siguiente dia nan nos tabata keda den tanto Femenino y Masculino cortico di e medaya nan. Na momento cu a yega e turno pa hunga e parti di team, esun femenino a sa di lucha cada pin p’asina na final di e competencia logra e medaya di brons. E team masculino lastimamente a keda afo di e contienda pa un medaya, apesar di tambe a demostra calidad.

Cu tur e weganan hunga, dos atleta di Aruba a sa di clasifica pa e Masters cu a inicia awe cual tabata Kamilah Dammers-Naddall y Thashaina Seraus.

Den e prome round Kamilah ta cay afo, y Thashaina a sa di keda bataya logrando yega den e Top 4. Caminda ta cay venci y asina ta logra e ultimo medaya pa Aruba den e Weganan Centroamericano y Del Caribe Barranquilla 2018.

Pabien na tur e atleta nan di bowling, pa e siman duro di competencia y pone Aruba su nomber resona na e ciudad di Cali, Colombia.

Related Articles

Back to top button