Delegacion di Paris2024 Ta Cla pa Ceremonia di Apertura
Comité Olímpico Arubano a ricibí tur bisti di ceremonia di costurero.
Manera ta costumber na tur wega Olímpico, tur delegacion ta bisti un trahe ceremonial, cu ta sirbi pa presenta e cultura di e país. Dialuna anochi, algun dia prome cu e delegacion di Aruba lo sali rumbo pa Paris2024, Ramón, costurero y doño di STAYLAY, a hasi entrega di e último trahenan. E delegacion di Aruba ta completamente cla pa dia 26 di juli, e fecha di apertura oficial di e Weganan Olímpico Paris2024.
Pa e weganan di Paris2024, e delegacionnan lo pasa riba un boto y lo traspasa mas di 6km riba e riu de “Seine” cu ta cruzá den e ciuidad. Sigur un evento úniko unda cu Aruba unbes mas lo briya cu nan bunita trahe.
