News

Direccion Tecnico cu resumen di 2020

A entrega e resumen na e directiva diario di COA

Direccion tecnico a entrega un resumen di nan trabou den e aña 2020 na e directiva diario di Comite Olimpico Arubano

“E aña 2020 tabata uno hopi dificil pa henter mundo, asina mes nos di direccion di deporte a sigui traha na un manera diferente y special pa nos atletanan”, asina director di e direccion tecnico di COA, Sr. Edmundo Josiah a bisa na e entrega di e resumen di e aña 2020 na presidente di COA, Sr. Roy Mezas y Secretaria General di COA, Sra. Nicole Hoevertsz.

A entrega un compilacion di tur e trabounan cu a ser haci durante e aña specialmente desde luna di september enadelante.

“E obhetivo no ta solamente pa entrega e resumen na e directiva diario di COA pero e ta pa nos mes, pa nos direccion di deporte, kiko tur nos ta bay haci e proximo lunanan. Nos lo bau tin algun reunion interno proximamente unda nos lo bay analisa kiko tur nos a haci bon y menos bon y con pa mehora esakinan sin lubida nos projecionnan cu nos kier logra”, Sr. Josiah a termina bisando.
Tags

Related Articles

Check Also

Close
Close