Lima2019News

Dirigentenan deportivo Arubano activo

Esaki na e Weganan Panamericano di Lima

Dirigentenan deportivo Arubano hopi activo na e Weganan Panamericano LIMA 2019.

Na banda cu nos delegacion di Aruba ta compitiendo na e Weganan Panamericano na Lima, Peru, nos dirigentenan deportivo tambe ta na Lima cumpliendo cu nan tareanan como oficial invita pa e federecion continental y/of mundial. Nos por a mira varios dirigente miembro di federacion deportivo na Aruba na e diferente accomodacionnan y tambe riba cancha.

Algun di e dirigentenan cu nos a mira ta Ronald Leito cu a fungi como starter den e competencianan di landamento. Tambe Esther Croes cu a fungi como oficial na landamento artistico, Hugo Themen cu tabata un oficial na e competencia di Pesas. Na e weganan di softball nos por a mira Endy Croes cu a fungi como oficial y Marco Dupersoy cu tambe a fungi como oficial na e encuentronan di boxeo.

Esaki sigur ta di aplaudi mirando cu nos dirigentenan ta conta cu e confiansa di esnan di exterior pa dirigi y yuda den eventonan internacional di taya manera den e caso di e Weganan Panamericano.

Pabien na cada uno.

Related Articles

Back to top button