E duo Dammers na un di 2 lugar overall riba e prome dia

E duo Dammers di Aruba na un di 2 lugar di overall riba e prome dia di competencia den e Weganan Suramericano 2022 na Asuncion, Paraguay.

E ultimo deporte di Aruba na Asuncion, Paraguay a mira accion ora cu e rumannan Kamilah y Abigail Dammers a inicia cu e competencia di doubles den bowling femenino. Mester bisa cu Aruba a start e prome dos weganan di e serie di seis un poco lento unda nan a keda na di 6 lugar. Pero segun e weganan a sigui, e rumannan Dammers a cuminsa haya e ritmo y a subi riba e ranking na di tres lugar despues di tres y cuater wega. Faltando un wega, Aruba ta subi na di 2 lugar overall mientras den e ultimo wega nos a keda na di 2 lugar.

Na final di dia, Aruba ta keda na di 2 lugar cu un total di 2471 punto cu Kamilah Dammers tirando un promedio di 219.83 mientras cu Abigail a tira 192.00.

Majan dialuna, ambos atleta lo mester bolbe tira 6 wega unda e mihor 4 paisnan lo disputa e competencia pa medaya. E tablero pa awe diadomingo despues di 6 wega pa loke ta e top 5 paisnan nos ta haya Venezuela na prome lugar, sigui pa Aruba, Colombia, Brasil y Argentina.

Pabien y exito na Kamilah, Abigail y coach Dammers