Buenos Aires 2018News

Giannon a competi den e internacional team

E atleta a competi hunto cu USA, Peru y US Virgen Island

Bon prestacion di tri-atleta Giannon Eights den e internacional team na Buenos Aires 2018.

Den temperatura tabata 13 grado celius, e atleta Giannon Eights a participa awe diahuebs na e internacional relay hunto cu su compañeronan di Maryhelen Albright di USA, Naomi Espinoza di Peru y Dominic Pugliese di US Virgen Island. E evento awe a conta cu presencia di e Presidente di IOC Sr. Thomas Bach y Presidente di International Triathlon Federation, Sra. Marisol Casado Estupinan.
Mester bisa cu Giannon a bay como e number dos unda e mester a landa, core bais y finalisa cu coremento na pia. E frieu di e awa tabata bastante notable ora Giannon a sali pa despues core su bicicleta pa despues sali na pia unda e la hya poco dificultad di bisti su keds door di no por a sinti su dedenan door di e frieu.

Giannon a conta nos cu su landamento a bay bon, su tempo tabata 4.38, riba bicicleta e la sigui hunto cu e coredor top di Colombia unda e la registra un tempo di 10:24 pa despues finalisa na pia den un bon careda cu 6:42 y un tempo final di 23:11 pa tag su compañera di Peru cu a competi como e di tres den e relay.

E relay team di Giannon a marca un tempo di 1:35:17 bon pa un di 11 lugar overall den 16 team. Ganador a bira Europe 1 cu un tempo di 1:26:12.

Asina tambe e Triathlon a yega su final pa Giannon cu sin duda como un di esnan mas hoben di e competencia a gana experencia mei mei di tri-atletanan grandi di nan pais.

Pabien Giannon y coach Nicolaas Robert.

Related Articles

Back to top button