Kyra y Abigail a mira accion den Duo Tecnico

E duo di natacion artistica Kyra Hoevertsz cu Abigail de Veer a mira accion awe den e Duo Tecnico den e Weganan Centroamericano y del Caribe Barranquilla 2018.

Nan a drenta piscina como di tres participante y ta logra completa nan rutina cu un score di 71.9165 y posiciona nan mes na di cuarto lugar. Oro a bay pa e duo di Mexico, silver pa e duo di Colombia y brons a keda pa Venezuela cu a gana nos duo pa 0.41 punto.

Diamars Kyra ta bolbe competi den e Solo Liber y diaranson lo ta e Duo Liber.