Panam Games 2019:
Kyra Hoevertsz y Abigail de Veer a logra un di 7 lugar den e rutina tecnico.
E atletanan di artistic swimming Kyra Hoevertsz y Abigail de Veer a debuta awe den e Weganan Panamericano 2019 na Lima, Peru. E duet elite di Aruba mester a landa nan rutina tecnico como e ultimo competidornan.
Mester bisa cu Kyra y Abigail a duna un bon prestacion unda nan a logra un total di 73.1148 punto bon pa un di 7 lugar overall. E huradonan a score pa Ehecucion – 21.6000, Impresion – 22.3000 y Elemento – 29.2148 mientras e duet no a haya penalty. E duet di Aruba ta laga Chile, Peru, Guatemala, El Salvador y Cuba nan tras. E pais di Canada, Mexico y Merca a domina a prome tres lugarnan.
Diaranzon mainta Kyra y Abigail lo mester landa nan rutina liber.
Pabien y exito na Kyra y Abigail
