Lucien Peterson ta baha su tempo cu mas di 10 minuut aki na Rosario
Awe a toka turno na Lucien Peterson pa representa Aruba den e competencia di Open Water aki na Rosario
Den e awanan di La Florida, Lucien a inicia contra 19 diferente atleta. E atleta hoben a competi den e 5km di Open Water. Lucien a hasi un bon presentacion y a termina cu un tremendo tempo di 1ora y 2 min. Lucien su record personal na Aruba tawata di 1ora y 14min. Asina nos por wak cu Lucien a drecha su tempo cu mas di 10min aki na Rosario.
Coach Davy Bisslik ta super orquyoso di Lucien y sigur nos lo scucha mas di e atleta aki.
