Buenos Aires 2018News

Mali y Kayla ta cay venci den nan ultimo wega

E duo ta clasifica pa e siguiente buelta asina mes

Duo di Mali Rafini y Kayla Arends ta cay venci den nan ultimo wega pero ta clasifica pa e siguiente buelta.

Awe diabierna den un temperatura bastante frieu den e Green Park na Buenos Aires, e duo di beach volleyball femenino Kayla Arends y Mali Rafini a enfrenta e duo Mexicano, Guttierez y Valdez. Mester bisa cu Aruba no tabata tin na miho dia awe unda nan ta cay venci den dos set cu e scorenan di 21 – 9 y 21 – 10.

Mexico tabata superior unda e duo tabata smash e bala bon y ta coloca cada bala den skina. Di otro banda Kayla a conta nos cu e no a hunga su miho wega mirando cu e la duda varios biaha pa bay pa cada bala, e ta dal e prome stap pero despues ta freeze, su wega no tabata uno agresivo manera den e weganan anterior. Algo notable tabata ora nos damitanan dal e bala cu seguridad, esaki tabata hinka Mexico den problema. Haltura di hungadornan di Mexico tambe a duna nan e ventaha. Aruba mes ta hungando cu dos defensa y sin blocker.

Segun coach Irald Phelipa tin hopi trabou pa haci pa loke ta e aspecto tecnico y e weganan tabata un tremendo experencia pa e muchanan. Awo nos por wak e nivel y con nos tin cu traha na Aruba si nos kier logra exito den futuro. Aruba tin e potencial awo ta keda na tur hende traha pa logra lo maximo.

Majan diasabra Aruba lo enfrenta e fuerte ekipo di Brazil.

Keda pendiente pa un entrevista cu nos a realisa cu coach Irald Phelipa riba e prestacion di e atletanan femenino Kayla y Mali.

Related Articles

Back to top button