Malik Hoveling ta duna su conseho

Mi nomber ta Malik Hoveling y mi ta eherce e deporte di windsurfing pa 12 anja y mi meta ta pa bira un medayista Olimpico.

Un conseho mi tin na atletanan di Aruba pa sigui nan propio meta, sigui loke abo kier logra den bida. E cantidad di oranan den gym, e sodo y e lagrimanan den e session nan di praktica, tur e anochinan di angustia prome cu cada competencia, tur tabata bale la pena. Y si bo faya na caminda, tin biaha bo por perde e motivacion pero mientras bo tin un meta y bo ta kere y dedica bo mes na dje, un dia e meta lo aparece na bista.

Na e momento cu bo aparece riba podium y mira e bandera di Aruba, bo por mira bek tras di e gran logro cu casi a ponebo renuncia pero cu tabata djis un simpel obstaculo den bo caminda.