Malik Hoveling ta logra medaya di silver den IQ Foil
E atleta Malik Hoveling di vela cu ta competi den IQ Foil a conclui su participacion den Weganan Suramericano Asuncion 2022 cu un medaya di silver.
Despues di varios dia di bataya aki na Encarnacion caminda cu Malik ta yega ultimo dia di competencia na prome lugar den e ranking y cu dos punto di ventaha riba Argentina. No tabata facil mantene su posicion debi na un mal tempo aki na e ciudad di Encarnacion, Paraguay.
Na prome instante a indica cu lo hasi un ‘course race’ pero na ultimo momento a cambia esaki pa ‘slalom’ y cu e condicion di biento esaki tabata dificil pa hasi cambio riba e vela na ultimo momento cu consecuencia cu Malik no ta logra mantene su posicion dilanti y ta perde punto importante.
Finalmente Argentina ta logra caba na di prome lugar den e competencia y Aruba ta keda di 2do lugar y Brasil na di 3er lugar. Premiacion ta tuma lugar 6:30 di atardi awe.
Pabien Malik, pabien ASA, pabien Aruba🥈🇦🇼
