Medayista di Plata den e Weganan Sur Americano Cochabamba 2018, Joel Kuiperi a regresa bek Aruba.
Un regreso cu sentimento mixto ta loke nos a experiencia diadomingo atardi na aeropuerto na e yegada di e atleta di Pesas, Joel Kuiperi cu algun dia atras a hasi historia pa Aruba door di logra medaya di Plata den e Weganan Odesur teni na Cochabamba, Bolivia. Spera pa su famia, amigonan di pesas y prensa, Joel a wordo ricibi cu hopi entusiasmo y alegria. Tur presente tabata contento cu e logro grandi di Joel cu den su prome aparicion dennun competencia grandi ta logra un medaya pa Aruba.
Den entrevista teni cu Joel e la conta nos cu un dia prome e la soña cu e medaya di Plata y e tabata sa cu e lo logra esaki. Mas cu claro e sentimento tabata mixto ora Joel a papia di su ruman Omar, awe den felis memoria cu sin duda tabata den su banda na Cochabamba. E medaya tabata dedica na su persona. Un momento sigur di hopi emocion pa tur presente na airport.
Riba e combinacion di foto e yegada di Joel Kuiperi.
