Hopi liher Piscina Olimpico Roly Bisslik a keda cla cu nan protocol pa landamento
Den un combersacion cu Marla Thiel-Dominquez cu ta beheerder di e piscina e la conta cu den 4 dia ya caba nan a hinka e protocol den otro. Prome cada supervisor y su departamento a haya e oportunidad pa traha nan protocol pa despues sinta hunto cu e otro deportamentonan y hinka den otro un solo protocol pa e piscina. Segun Marla ora a hinka full e protocol den otro a brainstorm hunto si tur cos ta bon na nan lugar y unda mester a bin cambio a haci esaki. Finalmente a entrega e protocol na Comite Olimpico Arubano.
Mester bisa si cu a nota varios cambio na Piscina Roly Bisslik unda e entrada principal awor ta solamente pa drenta so mientras paden e ta “one way traffic” tur banda drechi mescos trafico. Mester tene cuenta cu hopi atleta ta haci uso di piscina pues ta diferente club cu schedule tini di 1 ora y hasta mas hopi. A adapta tur schedule unda a pone 15 minuut entre e entrenamentonan pa asina por pone tur cos na nan lugar, laga atletanan drenta y sali pa siguiente entrenamento por sigui sin causa aglomeracion na piscina. Tin hopi otro regla manera uso di douche, algomeracion di hende riba tribuna cual awor ta prohibi. Den e pool mes tin cu tene cuenta cu no por haci uso di tur e lanenan manera antes, eynan tambe te cierto cantidad di mucha.
