COA, IBISA, FFD y DVG a bishita e deporte di sailing y haya splicacion di e deporte y con lo atende cu e protocol den e deporte aquatico.
Recientemente Comite Olimpico Aruba hunto cu su partnernan a sigui cu nan bishita atardi na e diferente federacionnnan deportivo cu a traha nan protocol relacion cu e pandemia Covid_19. E biaha aki a bishita Fisherman’s Hut unda a mira con e deporte di windsurf ta funciona. Na yegada e delegacion a ricibi un splicacion amplio di e deporte di bela, esaki pa medio di nos atletanan elite Sarah Quita Offringa y Ethan Westera. A splica detaya e funcion di e board, e bela, y con esaki lo ta pa tur cu ta eherce e deporte bou di e normal nobo na Fisherman’s Hut. Na final algun hoben prospecto den e deporte di windsurf a haci un demostracion den awa.
