Barranquilla2018News

Shout out na Coleganan Noel y Andrew

Tremendo cobertura di e Weganan Centro Americano y Del Caribe

Shout out na coleganan Noel Werleman y Andrew Vrolijk pa e cobertura unico di e Weganan Centro Americano y del Caribe Barranquilla 2018.

Desde 2004, COA ta biaha hunto cu colaboradornan deportivo pa asina trece e ultimo informacion cu imagen di nos atletanan di Aruba na e diferente eventonan deportivo bishita. E biaha aki coleganan Noel Werleman y Andrew Vrolijk tabata esnan encarga pa trece informacion al instante y rapido pa asina Aruba completo por a sigui e prestacion di nos atletanan den e Weganan Centro Americano y del Caribe na Barranquilla. E trabou uno sigur inmenso cu ta trece cune hopi ora ta labora, mirando e distancia cu e biaha aki no tabata uno serca. Pues mester a traha lihe y bon na e diferente acomodacionnan deportuvo mes y mesora transmiti esaki via social media pa henter nos comunidad por disfruta y manda nan felicitacion nan. E weganan pa Aruba a tuma lugar na Barranquilla mes y e bowling na ciudad di Cali.

Mirando e trabounan di dos siman desplega, mester felicita Noel Werleman y Andrew Vrolijk cu trabou magnifico cu entrevista y informacion, sin lubida imagennan unico cu lo keda recorda pa hopi. Hopi potret y video a sera tuma y graba pa Aruba completo por a disfruta di dje.

Un pabien grandi na ambos colega pa e tremendo trabou. Esaki ta medaya di 🏅pa boso. Pabien guys❤💪

Related Articles

Back to top button