Comite Olimpico Arubano cu varios bishita importante.
Recientemente Comite Olimpico Arubano a bishita Su Excelencia Gobernador di Aruba, Sr. Alfonso Boekhoudt unda a elabora riba e trabounan di COA pa cu nos atletanan y deporte den 2019. Representantenan di COA, Presidente Roy Mezas y Secretario General Nicole Hoevertsz a duna informacion riba e trabounan realisa.
Tambe Presidente di e Federacion Internacional di Gimnasia, Sr. Morinari Watanabe cu actualmente ta na Aruba pa e competencia internacional di gymnasia ritmica a bishita oficina di COA unda e la ser ricibi pa Sra. Nicole Hoevertsz.
Por ultimo, Sra. Nicole Hoevertsz den representacion di COA a bishita e utlimo dia di e gala event di e Aruba International Gymnastics Cup 2019.
