WADA ta habri aplicacion pa abogadonan

Desde aña 2021 tur caso legal relaciona cu un violacion di un regla anti-dopahe lo wordo trata pa un panel continental di abogadonan di region (Continental Results Management Panel). Esaki ta nifica cu cada continente tlo in su propio panel pa trata casonan legal di nan propio continente.

WADA ta duna oportunidad na abogadonan cu tin afinidad cu deporte y Ley di deporte pa forma parti di dicho Panel Continental. Pa medio di esaki Comision Anti-Doping di Aruba (ARUNADO) kier duna oportunidad na abogadonan di Aruba pa aplica pa forma parti di e Panel Continental aki.

Despues cu a ricibi e aplicacion un comision di seleccion (Selection Committee) Continental lo selecta e miembronan final di e panel.

Pa medio di e publicacion aki ta pidi tur interesado pa manda nan aplicacion pa sr. Patrick Werleman na p.werleman@olympicaruba.com. Tambe por contact sr. Werleman pa mas informacion.

E deadline pa manda aplicacion ta 1 di maart 2021.