Weganan Centro Americano y Del Caribe di Mar y Playa a yega su fin

Prome Weganan Centro Americano y Del Caribe di Mar y Playa a yega su fin.

Diasabra den oranan di anochi a tuma lugar e Ceremonia di Clausura aki na Santa Marta.
E abanderado pa Aruba Britta Schwengle a sali como e prome atleta riba e escenario na e playanan di Rodadero. Un ceremonia hopi bunita caminda a gradici tur e miles di voluntarionan cu a hasi e weganan aki na Santa Marta posibel.

E weganan pa Aruba sigur a bira uno exitoso despues cu e atleta Arubano di IQ-Foil, Malik Hoveling a logra di gana e medaya di Oro pa Aruba.
Na final e Alcalde di Santa Marta a gradici tur e atletanan y tur e personannan cu a hasi e Weganan aki posibel.

Por bisa cu e aña aki sigur tabata uno hopi exitoso pa COA. Por bisa cu nos atletanan a destaca den e diferente competencianan internacional cu nos a atende y sin lubida e cantidad di medayanan conkista den e competencianan atendi den nos region y continente.

Danki na un y tur cu a support nos atletanan durante e aña deportivo 2022.