Comite Olimpico Arubano, den nomber di su Directiva, personal y Federacionnan deportivo miembro, cu inmenso tristesa a ricibi noticia di fayecimento di nos amigo y compañero Olimpico, William “Junior” Millerson.
Junior a ocupa cargonan importante den deporte, manera entre otro Presidente di Nederlands Antilliaans Olympisch Comite (NAOC), Presidente di Pan American Karate Federation, Vicepresidente di World Karate Federation, Miembro di Comite Ehecutivo di e Asociacion de Confederaciones Deportivas Panamericanas (ACODEPA) y un atleta cu a destaca den e deporte di karate. Agradecido pa e momentonan di colegialidad y compañerismo cu nos a pasa hunto, Aruba y Corsow como islanan ruman den deporte, COA lo keda recorda Junior semper pa su lealtad, su actitud firme, su dedicacion na deporte y e amor grandi cu ela demostra semper pa su pais.
Nos mas profundo condolencia na su kerida esposa, yiunan, famia y amigonan di William “Junior” Millerson, deseando hopi forsa cu e gran perdida aki.
Cu Junior por sosega na paz.
