Olympic Day Run & Celebration hunto cu IBISA un exito rotundo

Celebrando Olympic Day den gran forma: Olympic Day Run & Celebration hunto cu IBISA un exito rotundo

Durante diasabra mainta riba Vondellaan, dilanto oficina di Comite Olimpico Arubano, nos a celebra dia internacional di Olimpismo, unda cu a sigi cu e iniciativa internacional di
#letsmove, unda a colabora cu IBISA su Kids run.

Durante e run aki, mas di 750 mucha a participa di tur edad, y inclusion tabata grandi, como por a mira muchanan di tur nivel di deporte a participa y disfruta di e buninta evento aki.
Alabes e celebracion a tuma luga den gran forma, unda varios federacion deportivo tabata presente pa hasi demonstracionnan, y partner di COA den e movecion olimpico, Royal Aruba Aloe tabata presente cu nan DYI scrub station, cu sigur a haya bon acogida.
Sin lubida e diferente stations unda por a saca potret of traha video 360 cu e antorchanan olimpico presente. Movecion ta un manera sano y saludabel di celebra nos dia internacional di Olimpismo, y esaki sigur tabata un dia cu hopi ambiente y energia positivo.
Nos kier gradici tur partner cu a hasi e evento aki posibel, manera IBISA, Comision di Atleta Olimpico y Aruba Bank.