Kayla y Mali no por a sorprende Venezuela

Duo di beach volleyball Kayla Arends y Mali Rafini no por a sorprende Venezuela den e Weganan Olimpico Hubenil Buenos Aires 2018.

E duo Rafini y Arends ta cay venci den e di dos wega aki na Buenos Aires, Argentina unda e Weganan Olimpico Hubenil 2018 ta tumando lugar. Mester bisa cu e duo di Aruba no a hunga un wega manera a desea unda nan ta cay venci den dos set cu e scorenan 21 – 12 y 21 – 10. E dos damanan di Venezuela a mustra un bon nivel di beach volleyball pero nos damitanan sigur por hunga mihor. Tabata tin hopi errornan innesecario cometi cual den e nivel aki sigur lo costabo e wega.

Diabierna Kayla y Mali lo enfrenta Mexico unda nan mester gana pa por sigui e siguiente buelta.