NewsParis2024San Salvador 2023Santa Marta2022Santiago2023
Ta reconoce tur persona contribuyendo pa Deporte
A anuncia e 5 landadonan cu a haya un Beca Olimpico
Bunita iniciativa pa reconoce tur e personanan cu a y ainda ta contribui cu e deporte di landamento.
“Mirando e cantidad grandi di landadonan di Aruba biba den exterior cu a bini y competi den e campeonato nacional di landamento 2022 como tambe mira varios ex-landado presente na Piscina Olimpico Roly Bisslik, e tabata un bon momento pa Comite Olimpico Arubano honra nan tur dilanti un publico grandisimo diadomingo merdia”, asina secretaria general di COA, Nicole Hoevertsz a bisa di un momento masha special diadomingo cu a pasa na e competencia nacional di landamento.
Durante e pause, Nicole a dicidi di laga e publico presente sera conoci cu tur e landadonan, coachnan y dirigentenan cu den pasado y awor a representa Aruba den e diferente competencianan internacional cu nos a participa na dje den e deporte di landamento. Tambe a elogia e bon trabou di e federacion di Aruba Aquatics Federation cu pa hopi anja a laga Aruba briya den exterior cu nan super bon resultadonan obteni mundialmente. For di aña 2000, e prome medaya durante un campeonato internacional a wordo logra y for di e tempo ey a logra exito na nivel internacional regularmente te cu e dia di awe. A introduci tambe e Hefenan di Mision presente pa e proximo weganan cu ta cay bou COA, esakinan den persona di Anna Celia Proveyer y Junior Dake.
Por ultimo a anuncia e 5 landadonan cu a haya un Beca Olimpico pa loke ta den e ciclo aki pa asina nan por prepara nan mes mas mihor cu ta posibel pa e Weganan Olimpico di Paris 2024. Esnan cu lo ricibi nan Beca Olimpico ta Chloë Farro, Anahi Schreuders, Elisabeth Timmer, Patrick Groters y Mikel Schreuders
Durante e pause, Nicole a dicidi di laga e publico presente sera conoci cu tur e landadonan, coachnan y dirigentenan cu den pasado y awor a representa Aruba den e diferente competencianan internacional cu nos a participa na dje den e deporte di landamento. Tambe a elogia e bon trabou di e federacion di Aruba Aquatics Federation cu pa hopi anja a laga Aruba briya den exterior cu nan super bon resultadonan obteni mundialmente. For di aña 2000, e prome medaya durante un campeonato internacional a wordo logra y for di e tempo ey a logra exito na nivel internacional regularmente te cu e dia di awe. A introduci tambe e Hefenan di Mision presente pa e proximo weganan cu ta cay bou COA, esakinan den persona di Anna Celia Proveyer y Junior Dake.
Por ultimo a anuncia e 5 landadonan cu a haya un Beca Olimpico pa loke ta den e ciclo aki pa asina nan por prepara nan mes mas mihor cu ta posibel pa e Weganan Olimpico di Paris 2024. Esnan cu lo ricibi nan Beca Olimpico ta Chloë Farro, Anahi Schreuders, Elisabeth Timmer, Patrick Groters y Mikel Schreuders
Mas cu claro e bunita gesto aki a wordo grandemente aplaudi pa tur esnan presente na Piscina Olimpico Roly Bisslik
