Atlentanan di Asuncion2022 ta conoci

Awe na 20 dia leeuw di e inicio di e Weganan Suramericano nos ta presenta e lista di atletanan cu lo bay representa Aruba na Asuncion, Paraguay. En total lo tin 12 atleta participando na Asuncion 2022. Y ta como lo siguiente:

Open Water – Britta Schwengle.

Landamento – Elisabeth Timmer y Mikel Schreuders.

Badminton – Mackie Lu y Leyenne Schairer.

Bowling – Kamilah Dammers y Abigail Dammers.

Ciclismo BMX – Shanayah Howell.

Taekwondo Poolse – Jennifer Baez.

Pesas – Nathaly Geerman.

Sailing – Malik Hoveling y Just van Aanholt.

Asuncion 2022 ta lo tuma lugar for di dia 1 t’e cu 15 october. Un total di 53 deporte lo ta presente na e Wega aki caminda cu 15 pais lo ta participando.

ODESUR ta un organisacion tin como meta promove e balornan y principio di e movimento Olimpico. Na mesun momento di traha incansablemente pa tur atleta, yudando den forma di tur loke mester den termino di infrastructura, entrenador y tur loke ta relaciona na optimalisa e desaroyo di e deportista nan. E obhetivo di e organisacion ta organisa e Weganan Suramericano dos aña despues di e organisacion di e Weganan Olimpico di zomer. Tambe ta pa stablece relacion cu e organisacion nan Deportivo regional reconoci pa Comite Olimpico Internacional.

Nos di Comite Olimpico Arubano kier desea e atleta nan cu lo representa nos isla tur clase di exito y cu e ultimo siman nan aki di preparacion ta uno fructifero pa logra e mihor resultado pa nos pais.