News

Olympic Day Run 2023

750 mucha por participa na e gran evento aki

Olympic Day Run 2023 lo por conta cu participacion di 750 mucha

IBiSA, Comite Olimpico Arubano (COA) y Aruba Bank un bes mas ta uni pa celebra “Olympic Day 2023” diasabra 17 di juni, na e cas di deporte na Aruba esta e cede nobo di Comite Olimpico Arubano na Vondellaan. E celebracion di e Olympic Day Run lo conta cu participacion den coremento di 200m pa 3000 meter, di mucha di varios scol preparatorio, basico y avansa. Ta recorda tur mayor pa e muchanan tey presente na e ora stipula menciona den e carta ricibi hunto cu e pakete.

Pa prome biaha e Olympic Day Run lo inicia dilanti di e cede nobo di COA unda lo recori e area di Vondellaan y becindario. Riba e diasabra aki, e caminda di Vondellaan lo ta parcialmente sera for di Plaza Betico te cu Banco di Caribe. E caredanan ta bay tuma lugar den e sistema di den grupo, debi na e cantidad di participante (750), y e mihor tempo overall di e prome 3 lugarnan den cada categoria di edad pa tanto mucha muher como mucha homber ta esnan cu ta wordo premia cu medaya. E caredanan lo ta di 6or di mainta pa 10or di mainta.
Por inscribi pa cu e Olympic Day Run 2023 na e siguiente link: https://raceroster.com/…/ibisa-kids-and-youth-run-2023
Na final di cada careda nos muchanan y nan mayornan por disfruta di un exposicion deportivo brinda pa e diferente federacion nan deportivo cu lo expone nan deporte den forma interactivo cu nos muchanan. Esaki lo ta e ultimo actividad di deporte escolar riba e calendario di IBISA e aña aki.
IBiSA, COA y Aruba Bank ta conta riba un asistencia grandi pa celebra “Olympic Day 2023”cu e Olympic Day Run 2023

Related Articles

Check Also
Close
Back to top button