News

Malik ta gradua na Hulanda

Atleta Elite a gradua como International Sport Management and Business

Malik Hoveling, atleta elite di e deporte di sailing IQ Foiling a gradua awe den su estudio na Hogeschool van Amsterdam. No solamente e atleta Hoveling a sobresali academicamente pero tambe a trece orguyo pa su scol. Den un competencia fuerte contra otro 65 Universidad di Europa, Malik a hiba su scol na gana e prestigioso NIKE University Business Challenge. Combinando top sport (Olympic IQ Foil Team Aruba) y su estudio cu no ta uno facil pero su persona semper a kere cu dedicacion, perseverancia y support di tur hende, tur cos ta posibel.
Cu e logro aki ta mustra y ta sigui kere cu deporte y un estudio por bay man den man cu otro. Malik ta spera cu esaki e por inspira otro atleta riba nos isla pa sigui nan soño, tanto den nan deporte prefer pero tambe den nan estudio. Awo e atleta elite lo pone tur su focus riba e ruta pa Paris 2024 como tambe Weganan Panamericano cu ta tumando lugar na final di e aña aki hunto cu su team y asina logra e clasificacion pa Weganan Olimpico.
Nos di Comite Olimpico Arubano ta sumamente orguyoso di nos atleta elite Malik Hoveling y ta uni na su palabra pa tur nos atleta nan sigui kere nan soño.

Related Articles

Back to top button