News

Lord Sebastian Coe na Aruba

Aruba Athleltic Federation a ricibi presidente di e federacion mundial

Aruba Athleltic Federation a ricibi presidente di e federacion mundial di atletismo, Lord Sebastian Coe

Diaranzon e presidente di e federacion mundial di atletismo, Lord Sebastian Coe a yega Aruba pa algun dia di bishita. E mesun anochi a tene un recepcion di bon bini pa su persona na Madam Jeanette. Presente na e ocasion aki nos por a mira Minister di Educacion, Sr. Armando Lampe, Presidente di COA, Sr. Roy Mezas, Secretaria General di COA y miembro di IOC, Sra. Nicole Hoevertsz, Presidente di AAF, Sra. Evelyn Farrell y demas invitadonan.

Presidente di AAF, Sra. Evelynn Farrell a hiba palabra unda el a gradici Lord Sebastian Coe pa su bishita na Aruba. Secretaria General di COA, Sra. Nicole Hoevertsz a repasa den cortico e biografia deportivo di Lord Sebastian Coe cu den su tempo tabata un di miho atletanan di atletismo na mundo. Por ultimo Lord Sebastian Coe mes a dirigi algun palabra na esnan presente unda el a bisa di ta masha contento di por ta na Aruba pa algun dia. Tambe su persona a elabora riba e tema educacion governance y con e federacion por traha hunto pa e deporte sigui crece. Hunto cu Minister Lampe a papia di e norma y balornan, educacion y e deporte mes. Manera Lord Coe a expresa; “Un mucha cu ta praktica deporte, ta un mucha cu ta bay bon na scol”.

Di su banda Minister Lampe a gradici Lord Coe pa su bishita y e ta hopi contento pa mira con lo trece educion y deporte mas den nos scolnan na Aruba. Presidente di COA, Sr. Roy Mezas tambe a gradici Lord Coe pa tey presente y ta contento y honra cu su bishita na Aruba.

Related Articles

Back to top button