NewsSan Salvador 2023
Duet di Artistic Swimming a hasi un demostracion
Mikayla Morales y Kyra Hoevertsz na caminda pa Canada
Mikayla Morales y Kyra Hoevertsz cu un demostracion prome cu sali rumbo pa Canada
Diabierna ultimo e duet di Artistic Swimming, Mikayla Morales y Kyra Hoevertsz a hasi un demostracion di nan rutina dilanti publico presente. E demostracion tabata p’asina mustra e rutina cu nan lo ta uzando durante e prome Artistic Swimming World Cup Series cu lo ta tumando lugar na Canada.
E prome ta tuma lugar na Canada y e otro dosnan lo ta na Francia como tambe Egipto. Pa Kyra y Mikayla esaki ta un preparacion pa Weganan CAC cu lo ta tumando lugar na El Salvador, Weganan Panamericano na Chile y e Mundial na Japon. Durante di e presentacion tambe a subraya cu den e deporte di Artistic Swimming tin un sistema di scoring completamente nobo y na Canada lo hasi uzo di e sistema aki.
Di parti nos di Comite Olimpico Arubano, nos ta desea ambos atleta tur clase di exito na Canada.
