Nicole Hoevertsz, vicepresidente di Comite Olimpico Internacional ta na Beijing pa inicio di e Winter Olympics
Diabierna awor ta duna inicio na e Winter Olympics y na e occasion aki Nicole Hoevertsz mes lo ta un di e persona nan cu lo ta cargando e antorcha olimpico. Nicole desde su yegada na China a bishita algun sitio caminda e deporte nan lo ta tumando lugar y na mes momento a bishita e Olympic Village caminda e atleta nan lo ta kedando.
Nicole Hoevertsz tin un otro rol tambe cu su presencia na e Weganan aki, mirando cu e ta Presidente di e Athlete’s Commission. Den su function como president, Nicole lo mester bishita e village caminda cu diferente atletanan lo ta hasiendo nan votacion pa e candidato nan. Un total di 16 atleta ta participando y 2 lo wordo eligi na final pa bira miembro di e comision di atleta. E votacion final ta tuma lugar dia 17 di februari proximo y Nicole lo ta esun encarga pa anuncia ken ta e 2 miembro nobo nan. E 2 atleta nan escogi lo por participa asina na diferente session di IOC.
Nicole a splica tambe cu tin reglanan bastante estricto. Mirando cu tur persona cu ta participando den e Weganan aki lo ta den un bubble y si sali for di esaki lo tin consecuencia serio t’e cu nan por wordo expulsa for di e pais.
Winter Olympics ta inicia 4 di februari awor y ta termina 20 di februari. Riba cable lo por mira participacion di varios pais, entre otro Hulanda.
