Studiantenan di Movecion y Salud por ta contento cu e proyecto Olympic Youth Camp 2019
Como parti di nan stage na Comite Olimpico Arubano, algun studiante di Movecion y Salud mester a organisa un projecto cu a haya e nomber Olympic Youth Camp.
Durante dos dia largo, e studiantenan a organisa actividadnan deportivo pa un grupo di atleta cu ta afilia na un of otro organisacion deportivo na Aruba. Ambos dia tabata un exito rotundo unda na banda cu e atletanan a gosa, a siña hopi di deportenan cu pa nan kizas no conoci di atleta y ex-atletanan elite manera un 20 bes campeon mundial den windsurf, Sarah Quita Offringa y ex-pelotero Eugene Kingsale. Tambe a haya hopi informacion riba e parti nutricion y alimentacion.
Riba e di dos dia, bou guia di docente Andy Gomes, e atletanan a haci difetente wega cu tin di haber cu sera conoci cu otro, confiansa, sinja traha hunto, tene cuenta cu otro y yuda otro.
Un pabien na e stagaire nan di Movecion y Salud di IPA cu e exitoso proyecto Olympic Youth Camp.
