Lima2019News

Aruba cu dos atleta den Medal Race

Mack y Philipine lo ta den e race diabierna awor

Aruba lo tin dos atleta den medal race di Vela

Diahuebs tabata e ultimo dia den un series di diferente dia di careda riba awa nan aki na Paracas den e Weganan Panamericano 2019. Mack van den Eerenbeemt a logra su clasificacion mas trempan den su disciplina di RS-X y posiciona entre e mihor 5 di su categoria.

Den Laser Radial, e atleta Philipine van Aanholt tambe a logra su clasificacion pa e medal race di diabierna awor. Den su categoria e mihor 9 ta clasifica. Den categoria di Philipine tin dos clasificacion directo pa Tokyo 2020.

Den Laser Standard, Tijn van der Gulik no tabata tin su mihor dia awe y no ta logra keda entre e 11 mihornan cu ta clasifica den su categoria. Pero e atleta van der Gulik ta sumamente contento cu su prestacion aki na Weganan Panamericano. Sigur un experiencia cu por siña di dje y uz’e pa otro campeonato nan cu lo ta participando den dje.

Tur clase di exito na nos dos atleta cu a logra nan clasificacion pa e medal race. Mack van den Eerenbeemt lo mira accion 12:30 pm y Philipine van Aanholt ta inicia pa 01:15 pm orario di Peru.

Related Articles

Back to top button