Olympic News

Kenneth apunta pa FIBA

Lo keda encarga cu e desaroyo di basketball mundial

Kenneth Vrolijk apunta den e National Federation Support and Development di FIBA pa e periode di anja 2019 – 2023.

Un grato noticia cu nos a caba di ricibi ta bisa cu miembro di Comite Olimpico Arubano, Sr. Kenneth Vrolijk a keda apunta pa e Central Board di FIBA cu nan a acepta su persona pa forma parti di e comision encarga cu e desaroyo di basketball mundial. Mirando Sr. Vrolijk su interes den basketball ta grandi pa un hoben, traha riba desaroyo di otro hobennan lo pas mas cu e habilidadnan di Sr. Vrolijk den FIBA su concepto.

Sin duda un tremendo noticia pa Aruba, deporte di basketball y claro Sr. Vrolijk mes. Kenneth Vrolijk pa varios anja caba ta yuda Comite Olimpico Arubano den e diteccion di desaroyo. Tambe e ta yuda den e parti di financien. Ultimo Sr. Kenneth Vrolijk a fungi como Hefe di Mision pa e Weganan Olimpico Hubenil Buenos Aires 2018 y recientemente e Weganan Panamericano Lima 2019.

Masha pabien Kenneth Vrolijk, un otro Arubiano cu ta haya e oportunidad di traha cu un federacion mundial di deporte, den e caso aki FIBA.

Related Articles

Back to top button