NewsRosario2019

Rosario2019 Beach Tennis Masculino

Beach Tennis masculino kier lucha pa un medaya

Beach Tennis masculino kier lucha pa un medaya den e Weganan di Playa Rosario 2019.
E duo di beach tennis Aksel Samardzic y su partner Sandro Castro tin un solo meta pa e weganan na Argentina. Nan kier lucha pa un puesto entre e mihornan di e continente aki. Un meta cu no lo ta facil pero tampoco imposibel. Ambos lo kier hunga nan miho wega y pesey mes nan ta entrena  2 biaha pa dia y asina logra un medaya pa Aruba.
Mester bisa cu manera ambos a haya e noticia cu lo representa Aruba nan a entrena tur dia y a traha duro y dedica nan mes cien porciento ambos hungador ta super contento y orguyoso di por representa Aruba na un wega asina grandi. Aksel tin hopi tempo hungado beach tennis como pro level y ta den e top ranking mundial. Brazil y Venezuela lo bin duro y ta esnan mas dificil den e torneo aki.
Hopi exito na Aksel y Sandro.

Related Articles

Back to top button