Buenos Aires 2018News

Ambiente unico na e Team Welcome Ceremony

Aruba jama Bon Bini na e Villa Olimpico

Ambiente unico den e Team Welcome Ceremony unda mundo henter a bini hunto
Diabierna anochi, e delegacion Arubano participando na e Weganan Olimpico Hubenil Buenos Aires 2018 a keda oficialmente yama bon bini den e Villa Olimpico na Buenos Aires, Argentina. Riba e Villa Park den e Villa Olimpico e atletanan di tur e 206 paisnan participante a bini hunto unda a celebra e team welcome ceremony cu un tremendo show di baile y mas cu claro conoce e cultura di Argentina. A introduci e mascota di e weganan esta Pandi. Presidente di IOC, Thomas Bach acompaña pa dos atleta a declara oficialmente e weganan habri.
Na e Weganan Olimpico Hubenil Buenos Aires 2018, 206 pais rond mundo lo bataya den e 32 deportenan unda mas cu 4000 atleta den e edad te cu 17 aña lo competi sanamente defiendo e bandera di nan pais. E ciudad anfitrion Buenos Aires y su hendenan a yama bon bini na henter nos delegacion di atleta, coach y dirigentenan.
Na e Team Welcome Ceremony nos por a mira nos atletanan y nan coachnan, staf medico, secretaria general di COA y miembro ehecutivo di Panam Sports y IOC, sra. Nicole Hoevertsz.
E Weganan Olimpico di Buenos Aires 2018 a inicia oficialmente mientras diasabra lo tin e Ceremonia di Apertura y pa su diadomingo lo cuminsa cu e diferente competencianan. Aruba lo start cu landamento mientras beach volleyball y tennis lo ta pending.

Related Articles

Check Also
Close
Back to top button