Ultimo dia di bishita di Baseball5 na scolnan
Awe mainta trempan e team completo di Baseball5 conhuntamente cu Ibisa y e representantenan di COA a hasi bishita na e ultimo 3 scolnan pa asina papia riba e projecto di Baseball5 E prome scol cu a wordo bishita ta PiusX den Dakota.
Aki por a nota tur e muchanan hopi entusiasma cu e Baseball5 y tambe a haya un oportunidad pa por a participa pa un rato. Despues a sigi pa e scol di St Franciscus College na Madiki. Aki tambe e grupo a ser bon ricibi y a duna un biaha mas un demostracion di Baseball5.
Na final a bai pa scol Bon Bini College y asina a termina e recorido di 3 dia na e diferente scolnan rond di Aruba. COA kier a gradici sigur tur cu a juda hasi esaki posibel. Tur e hungadornan di Baseball international cu a juda pa sinja e muchanan di e Wega Nobo aki.
Un gradicimento sigur na Randolph Oduber hunto cu Lyrick Pourier. Y sin Lubida e 2 personanan di WBSC, Andrea D’Auria hunto cu Rafael LLames Cabrera.
