NewsSantiago2023

Philip ta termina na di 20 lugar

E competencia di tiro den 10m air pistol a tuma lugar den un solo dia

Philip El Hage a termina na di 20 lugar overall den e 10m airpistol na e Weganan Panamericano Santiago 2023.
E competencia di tiro den 10m air pistol a tuma lugar den un solo dia den e Weganan Panameficano Santiago 2023. Den e centro di tiro, Poligono Lo Aguirre nos atleta, Philipe El Hage a cuminsa cu su competencia Panamercano.
Mester bisa cu Philipe a tira un super prome dos rond den un field di e mihor 33 tiradornan di henter e continente America. Den e prome dos rond nan di 10 tiro cada uno, Philipe a posiciona su mes entre e mihor 8 tiradornan cu un rond di 93 y uno di 97. Philipe a tuma tur su tempo pa cada tiro y su bon concentracion tabata bisto. Despues di 3 rond, Philipe a posiciona su mes na di 10 lugar.
Un di 4 rond poco menos(90) a pone Philipe drop riba e tabla general y cay na di 22 lugar. Mester bisa cu e limit tempo a hunga un rol den e ultimo tres rondnan ya cu esaki ta un exigencia. E cansancio y concentracion a bira visibel. Aki Philipe a tira e dos ultimo rond di 93 y keda na di 20 lugar overall.
Ta bon pa bisa aserca cu cada pais tin dos representante mientras Aruba tabata tin 1 so. E prome 8 tiradonan lo disputa un lugar pa un medaya Panamericano aki na Santiago.
Philipe su tironan ta como lo siguiente:
Rond 1 – 93
Rond 2 – 97
Rond 3 – 94
Rond 4 – 90
Rond 5 – 93
Rond 6 – 93
Overall – 561 punto 12x na posicion 20.
Philipe tin ainda dos clasificacion pa loke ta e Weganan Olimpico Paris 2024.

Related Articles

Back to top button