News

COA a clausura e aña deportivo

E mihor deseonan pa e dianan di Pasco y un bon cambio di aña

E famia di Comite Olimpico Arubano a clausura e aña deportivo na La Vista.

Diadomingo merdia den un ambiente familiar y festivo, miembronan di e famia Olimpico a clausura e aña deportivo 2022 cu un dushi brunch na La Vista di Aruba Marriot Hotel & Stellaris Casino. E directiva hunto cu su staff di empleadonan como tambe e colaboradornan a bini hunto pa asina reviva e momentonan bunita di e aña deportivo 2022.

Manera presidente Wanda Broeksema a bisa den su speech, un aña 2022 super exitoso unda nos atletanan a briya y logra medayanan historico pa Aruba den e diferente weganan bishita den nos region y continente. E aña 2023 ta spera retonan mas grandi aun pero COA lo ta cla pa enfrenta esakinan cu e team dinamico cu semper lo bay extra miya pa surpasa tur barera.

Comite Olimlico Arubano kier a gradici tur cu di un of otro manera a traha duro pa e exitoso aña 2022. Na final tur miembro a haya un osbsekio chikito como muestra di aprecio.
Na e federacionnan miembro, e voluntarionan, atletanan, entrenadornan, staff tecnico, personal, integrantenan di e comisionnan, medionan di prensa y en particular e prensa deportivo, miembronan di directiva, staff, personal, colaboradornan y cada un di esnan cu ta forma parti di e Famia Olimpico Arubano, e mihor deseonan pa e dianan di Pasco y un bon cambio di aña.

Related Articles

Back to top button