Barranquilla2018News

Natacion a sigi diamars mainta

Mikel, Daniel, Patrick y Jordy a mira accion

Natacion a continua diamars mainta cu nos atleta nan Mikel, Daniel, Patrick y Jordy a mira accion.

Mikel cu Daniel tabata e dos prome nan pa drenta piscina y hasi e 200m liber cu tempo di 1:52.67 y 1:53.36 respectivamente, cual ta segundo lugar y tercer lugar den nan heat. Patrick su turno a yega den e 50m lomba, cu e ta logra un tempo di 26.37 y termina na di 4 lugar.

Na final di e mainta a tuma lugar e 4x 100m relevo. Caminda tur cuatro atleta a mira accion y ta termina na di 2 lugar cu un tempo di 3:33.75.

Awenochi lo tin un biaha mas e finalnan di natacion. Daniel lo ta den final B di 200m liber, Mikel den 200m liber final A. Patrick lo ta den 50m lomba den final B. Y pa sera e anochi lo tin e final di 4x 100m cu tur cuatro lo participa.

Na final di e evento Anahi Schreuders a hasi un time-trial pa purba mehora su tempo den 50m pecho pa loke ta trata Youth Olympic Games cu ta tuma lugar na october na e ciudad di Buenos Aires, Argentina.

Related Articles

Back to top button