COA a nombra hefenan di Mission pa tres wega grandi
Kenneth, Junior y Juelle lo funciona como Hefenan di Mission
Comite Olimpico Arubano a nombra Hefenan di Mision pa e siguiente tres weganan grandi.
Comite Olimpico Arubano a scohe su Hefenan di Mision pa e siguiente dos añanan esta 2019 – 2020 serando e ciclo Olimpico. COA a sigui cu e procedura unda a habri e posibilidad pa personanan for di nos comunidad aplica pa e función di Hefe di Mision, esaki pa e diferente Weganan cual ta cai bou di responsabilidad di COA. DIrectiva di COA despues di un proceso profundo di evaluacion a scohe e tres personanan pa e cargonan cu tabata tin disponibel.
E tres personanan cu lo fungi como Hefe di Mision ta Sr. Kenneth Vrolijk pa e Weganan Panamericano Lima 2019, Sr. Junior Dake pa e Weganan Suramericano di Playa Rosario 2019 y Sra. Juelle Thodé pa e Weganan Olimpico Tokyo 2020. Notable ta cu tur tres persona tin un amplio experencia den e ramo aki mientras den pasado na mas cu un ocasion a eherce e funcion como Hefe di Mision.
Mester bisa cu na mesun momento directiva di COA a dicidi cu e tres Hefenan di Mision nombra lo forma un comision, hunto cu Sr. Patrick Werleman, cu tabata Hefe di Mision pa e Weganan di Rio 2016. Hunto nan lo encamina e proceso pa prepara e diferente delegacionnan.
Un palabra di pabien na Juelle Thode, Junior Dake, y Kenneth Vrolijk cu e nombracion.
