COA di bishita serca Gobernador di Aruba

Comite Olimpico Arubano a entrega e buki conmemorativo di e 46 atletanan Olimpico Arubano na Su Excelencia Gobernador di Aruba, Sr. Alfonso Boekhoudt

A hasi uso di e ocasion pa splica tocante e proceso pa yega na realisacion di e buki y tocante e atletanan di cua mayoria naturalmente a competi den Weganan Olimpico representando Aruba, pero algun a competi ainda como parti di delegacion di Antiyanan Hulandes, mientras cu algun atleta a competi como parti di e delegacion di Hulanda. Tabata un ocasion oportuno pa COA conta Su Excelencia Gobernador tocante algun desaroyo den deporte y na nivel di Comite Olimpico Arubano.

Autor di e buki, Sr. Jossy Tromp a haci entrega di e buki na Gobernador Boekhoudt esaki den presencia di Presidente di COA, Sr. Roy Mezas, Secretaria General di COA, Sra. Nicole Hoevertsz y Director di Gabinete di Gobernador, Sr. John Newton.