Atleta elite di BMX, Shanayah Howell a firma su aplicacion pa haya un Beca Olimpico
Awe diamars tabata e prome paso den proceso pa logra haya un Beca Olimpico pa atleta elite Shanayah Howell di e deporte di ciclismo seccion BMX, cu actualemente ta buscando su clasificacion pa e Weganan Olimpico Tokyo 2020 .
Mester bisa cu debi cu e beca di e medayista Panamericano, Mack van den Eerenbeemt no a sigui, Comite Olimpico Arubano por a ofrece e oportunidad na e atleta Shanayah Howell pa e haya apoyo financiero. Awor e aplicacion ta wordo manda pa IOC/Olympic Solidarity pa nan aprobacion. Si IOC/Solidarity bay di acuerdo, nan lo manda un contract cu lo ser firma pronto. Presente na e acto di firmamento nos por a mira Edmundo Josiah (Director Tecnico), Pedro Estaba (entrenador di Ciclismo BMX di Aruba Wielerbond), atleta Shanayah Howell, Nicole Hoevertsz (Secretaria General), Monica Fajardo (Metodólogo), Kenneth Vrolijk (colaborador financiero di COA).
